Baydhabo(Radio Arlaadi)- Kooxda kubadda cagta West Ham United ayaa lagu soo waramayaa inay go’aansatay inay ceshato xiddigeeda Declan Rice, iyadoo ay aad u xiiseynayso naadiga Chelsea.
21-sano jirkaan ayaa qandaraaska uu kula jiro kooxda lagu naaneyso Hammers waxa uu dhacayaa dhammaadka xili ciyaareedka 2024-ka, laakiin waxaa si joogto ah loola xiriirinayay inuu ka tagayo London Stadium kaddib qaab ciyaareedkiisii fiicnaa labadii xilli ciyaareed ee la soo dhaafay.
Rice kooxdiisii hore ee Chelsea ayaa la sheegayaa inay raadineyso inay dib ula midoobaan kooxdiisii hore ee da’yarta, laakiin Manchester United ayaa sida muuqata la qaboojiyey xiisihii ay u qabtay khadka dhexe ee cajiibka ah.
Wararkii dhowaa ayaa soo jeedinayey in kooxda David Moyes laga yaabo inay u furan tahay inay iska iibiso, laakiin sida laga soo xigtay shabakada Goal, West Ham ayaan damacsan inay wadahadallo la furato oo ku aaddan inuu heshiiska u kordhiyo kooxdiisa.
Warbixinta ayaa sheegaysa in Hammers ay ka go’an tahay inay ku sii hayaan Rice kooxdooda xilli ciyaareedka soo socda, in kastoo lagu qasbi karo inay iibiyaan hantidooda ugu qiimaha badan si ay ula tacaalaan dhaqaale ahaan xilli uu jiro cudurka faafa ee Coronavirus.
Tan iyo markii uu xirfadle sare ka noqday kooxda West Ham sanadkii 2015-kii, Rice wuxuu u saftay kooxda 101 kulan tartammada oo dhan oo ay ku jirto 29 kulan oo horyaalka heerka koowaad ah xilli ciyaareedkan.
Arlaadi Radio.