Baydhabo(Radio Arlaadi)-Kooxaha Everton iyo Manchester United ayaa dhibacaha ku qeybsaday garoonka Goodison Park, kaddib markii ay ku kala baxeen bar-bardhac 1-1 ah, kulan qeyb ka ahaa horyaalka Premier League.
Qeybta hore ee ciyaarta ayaa lagu kala maray 1-1 ay isku dhaafi waayeen labada kooxood.
Daqiiqadii 3-aad kooxda Everton ayaa hoggaanka u qabatay ciyaarta, waxaana 1-0 ka dhigay Dominic Calvert-Lewin.
Daqiiqadii 31-aad kooxda Manchester United ayaa dhalisay goolka bar-bardhaca waxaana 1-1 ka dhigay Bruno Fernandes, waxaana goolkan ka caawiyay saaxiibkiis Nemanja Matic
Qeybta labaad marka dib leysugu soo laabtay labada kooxood waxay sameeyeen qaab ciyaareed aad u fiican, iyagoo abuuray fursado badan oo goolal loo filan karay.
Ugu dambeyntii ciyaarta ayaa waxay ku soo dhamaatay bar-bardhac 1-1 ah ay isku dhaafi waayeen labada kooxood Everton iyo Manchester United.
Arlaadi Radio.