Tartanka Gool dhalinta Yurub ee xilli ciyaaredkan ayaa maraya meel xiiso leh iyada oo Gool dhaliyaasha ugu fiican u tartamayaa in ay ku guulaystaan abaalmarinta Golden Shoe.
Xiddiga kooxda Lazio ee Ciro Immobile ayaa ku guulaystay abaalmarinta xilli ciyaareedkii hore isaga oo ku garaacay xiddigaha Robert Lewandowski, Cristiano Ronaldo, Timo Werner & Lionel Messi.
Laakiin xilli ciyaareedkan tartanka ayaa ah mid adag maadama ay xiddigo ku tartamaayaan abaalmarinta xilli ciyaareedkan.
Xiddiga kooxda Bayern Munich ee Robert Lewandowski ayaa ilaa haatan hogaaminaya gool dhalinta isaga oo dhaliyay 20 gool ilaa haatan.
Waxa kaalinta 2-aad ku jira xiddiga kooxda Juventus ee Cristiano Ronaldo kaas oo dhaliyay 15 gool halka uu xiddiga Liverpool ee Mohamed Salah ku jiro kaalinta 3-aad isaga oo dhaliyay 13 gool.
Hadaba Halkan Hoose Kaga Bogo Xiddigaha u tartamaya gool dhalinta yurub ee xilli ciyaareedkan.
No. | Xiddiga | Kooxda | Xulka | Goolasha |
---|---|---|---|---|
1. | Robert Lewandowski | Bayern Munich | Poland | 20 |
2. | Cristiano Ronaldo | Juventus | Portugal | 15 |
3. | Mohamed Salah | Liverpool | Egypt | 13 |
4. | Erling Haaland | Dortmund | Norway | 12 |
5. | Romelu Lukaku | Inter Milan | Belguim | 12 |
6 | Kylian Mbappe | PSG | France | 12 |
7. | Heung-min Son | Tottenham | South Korea | 12 |
8. | Boulaye Dia | Reims | France | 12 |
9. | Lionel Messi | Barcelona | Argentine | 11 |
10. | Memphis Depay | Lyon | Holland | 12 |