Baydhowy( Raathiyow Arlaathi)Manchester City ayaa lagu soo waramayaa inaysan diyaar u ahayn inay gasho tartanka loogu jiro weeraryahanka Paris Saint-Germain Kylian Mbappe, iyadoo Citizens ay mudnaanta siineyso saxiixyada kale xagaagan.
Xilli ay Man City isku diyaarinayso in ay difaacto champions League iyo Premier League, Waxa lala xidhiidhinayay xiddiga Mbappe.
Heshiiska Mbappe ee PSG ayaa dhacaya dhamaadka xilli ciyaareedka dambe waxana uu diiday in uu heshiis cusub u saxiixo kooxda.
Sida laga soo xigtay The Athletic, Man City ayaan doonayn in ay soo gasho tartanka saxiixa mbappe inta lagu jiro suuqa xagaagan.
Inkasta oo uu Guardiola taageere weyn u yahay xiddiga koobka adduunka ku guulaystay hadana Man City ayaan u dhaqaaqi doonin saxiixa xiddiga.
Isla wargayska ayaa sheegaya in ay Man City muhiimada siin doonto xiddigo kale iyo in ay kooxda ka xoojiso khadka dhexe iyo daafaca.