Kooxda Liverpool ayaa lagu soo waramayaa in ay wadahadalo la furtay kooxda Bayern Munich oo ay ka doonayso saxiixa xiddiga garabka uga ciyaara ee Serge Gnabry.
Kadib markii ay iska iibiyeen Sadio Mane, Klopp ayaa suuqa u gali doona xiddig ay ku buuxiyaan booskiisa ka hor bilaabashada xilli ciyaareedka cusub.
Sida laga soo xigtay Sport, Liverpool ayaa kor u qaaday dadaaladii ay ku doonaysay saxiixa xiddiga garabka ka ciyaara ee Serge Gnabry.
Xiddiga Serge Gnabry ayaa ku jira sanadkii ugu dambeeyay heshiiskiisa Bayern Munich waxana uu diiday in uu heshiis cusub u saxiixo kooxda Bayern.
Kooxda Bayern Munich ayaa diyaar u ah in ay iska iibiso xiddiga halkii ay xor ku waayi lahayd xagaaga dhamaadka xilli ciyaareedka dambe.