Baydhowy( Raathiyow Arlaathi) Kooxda Liverpool ayaa iska xaadirisay wareega 8 dhamaadka tartanka Carabao cup-ka.
Liverpool ayaa garaacday kooxda Brighton kulan ka tirsanaa tartanka Carabao cup-ka.
Slot ayaa is badal ku sameeyay shaxdiisa isaga oo kaydka dhigay xiddigo badan oo muhiim u ah kooxda.
Liverpool ayaa maamulaysay ciyaarta iyaga oo ka fiicnaa kooxda Brighton.
Qaybtii hore ee ciyaarta ayaa ku dhamaatay bar-baro gool la’aan ah iyada oo ayna labada kooxood wax gool ah kala dhalin.
Liverpool ayaa is dar-dar leh ku bilaabatay qaybta dambe iyaga oo doonayay in ay dhaliyaan goolal.
Daqiiqadii 46-ayay Liverpool dhalisay goolka 1-aad waxana u dhaliyay xiddiga Cody Gakpo kaas oo ciyaarta ka dhigay 1/0.
Liverpool ayaa sii waday raadinta goolal iyaga oo si joogto ah fursado u samaynayay.
Daqiiqadii 63-aad ayay Liverpool dhalisay goolka 2-aad waxana u dhaliyay isla xiddiga Cody Gakpo kaas oo ciyaarta ka dhigay 2/0.
Kooxda Brighton ayaa dhalisay gool kadib markii uu daafac Liverpool ah khalad galay taas ayaana ciyaarta dib u furtay kana dhigay 2/1.
Laakiin Luis Diaz ayaa isla markiiba dhaliyay goolka 3-aad ee kooxdiisa isaga oo ciyaarta ka dhigay 3/1
Kooxda Brighton ayaa dhalisay goolka 2-aad daqiiqadii 90-aad waxana Mar kale khalad galay daafaca Quansah waxana ay Brighton ciyaarta ka dhigtay 3/2.
Dhinaca kale kooxda Chelsea ayaa laga reebay tartanka Carabao cup-ka iyaga oo guuldaro kala kulmay kooxda Newcastle.