Baydhowy( Raathiyow Arlaathi)Kooxda Juventus ayaa garaacday Real Madrid kulan ka tirsanaa kulamada isku diyaarinta xilli ciyaareedka cusub.
Kulanka ayaa ahaa mid ay Juventus si dar-dar leh ku bilaabatay kana awood badnayd kooxda Real Madrid.
Juventus ayaa daqiiqadii 1-aadba dhalisay goolka furitaanka waxana u dhaliyay xiddiga Moise Kean kaas oo hogaanka u dhiibay kooxdiisa.
Kooxda Max Allegri ayaan halkaas ku joogsan waxana ay sii wadeen raadinta goolal kale iyaga oo qaadaya weerar aan kala joogsi lahayn.
Daqiiqadii 20-aad ayay Juventus hadana dhalisay goolka 2-aad waxana u dhaliyay xiddiga Cusub ee Timothy Weah kaas oo ciyaarta ka dhigay 2/0.
Real Madrid ayaa daqiiqadii 38-aad ku soo laabatay ciyaarta waxana gool u dhaliyay xiddiga Vini Jir kaas oo ciyaarta ka dhigay 2/1.
Waxa sidaas ku dhamaatay qaybta hore ee ciyaarta oo ay Juventus ku hogaaminayso natiijada ciyaarta.
Qaybta dambe ayay labada kooxood is badal ku sameeyeen shaxahooda waxana ay raadinayeen goolal.
Daqiiqadii 90+5aad ayay Juventus dhalisay goolka 3-aad waxana u dhaliyay xiddiga Dusan Vlahovic kaas oo ciyaarta ka dhigay 3/1 ay Juventus guushu ku raacday.