Baydhabo(Radio Arlaadi)-Garoonka Allianz Arena ayaa marti galin doona kulan dhexmari doona kooxaha Bayern Munich iyo Chelsea kulan ka tirsan lugtii 2-aad ee wareega 16-ka champions League.
Bayern Munich ayaa kulanka soo galaysa iyaga oo hal lug kula jira wareega 8 dhamaadka kadib guushii weynayd ee ay chelsea ka soo gaadheen lugtii hore ee ka dhacday Stamford Bridge.
Dhanka kale Chelsea aya kulanka soo galaysa iyaga oo u baahan in ay qabato shaqo adag laakiin macquul ah si ay ugu soo baxdo wareega xiga ee tartanka:
Kulanka: Bayern Munich Vs Chelsea
Tartanka: Champions League
Wakhtiga: 10:00
Garoonka: Allianz Arena
XAQIIQOOYINKA KULANKA:
Bayern Munich ayaa kaliya horay u marti galisay Chelsea hal mar tartanka champions League kaas oo ah mid dhacay April 200 waxana ay kulankaas ku badiyeen 3/2 xilli uu tababaraha chelsea ee haatan ee Frank Lampard dhaliyay goolka 1-aad.
Chelsea iyo Bayern Munich ayaa bar-baro 1/1 ah galay kulankii ugu dambeeyay ee ay champions League ee ay ku wada ciyaareen Allianz Arena Final-ka tartanka kaas oo ay ugu dambayn Blues rikoodhayaal ku qaaday.
Taariikhda dhan ee tartamada yurub sida European Cup ama champions League ma jirto koox ka soo laabatay 3 gool iyo wax ka badan oo kulamada bug baxa looga badiyay garoonkeeda.
Chelsea ayaan wax guul ah gaadhin 7-dii kulan ee ugu dambeeyay ee wareega bug baxa champions League tan ilaa markii ay 1/0 uga badiyeen Benfica bishii March sanadkii 2012.