Baydhabo(Radio Arlaadi)- Gabdhaha somaliyeed kuwooda waxbarta ayaa inta badan ku soo badaneyaan barashada cilmiga caafimaadka ,taasi ayaa ka duwan qarniyadii hore oo haweenka ahaayeen kuwa aan waxabarashadu loo ogoleyn ,waxaana waayadaan dambe soo badaneya waxbarashada gabdhaha iyagoona heleen fursado waxa barasho ee xili ay wax bartaan xili kalena howsha guriga ay qabtaan ,sikastoo ay ahaataba waxa inta badan la hormarsiin jiray wiilasha dhanka waxa barashada marka loo eego.
Haweenka ayaa ah kuwa naxriis badan ayadoo qaarkooda ay dhibaatooyin ku jiraan ayaa waxa aya ku adkeysaneyaan waxabarashadoda maadaama gabar waxa baratey ay tahay bulsho waxa baratey.
Magaalada Baydhabo ee xaruunta Gobalka baay waxaa ku yaala xaruumo lagu barto maadooyinka caafimaadka, waxaana dhanka raga kaga badan gabdhaha oo aad u jaceyl barashada maadadaasi, waxeyna sababta gabdhaha ku sheegaan in ay jaceyl yihiin u gargaarida dadka iyo in ay caawiyaan bulshada.
Muna ibraahim xuseen iyo maryama maxamed Adan waxay ka mid yihiin gabadhaha ka barta ciliga caafimaadka iskuulka royal, waxayna dhiiragelin usameeyeen gabadhaha jiilka cusub oo rabaan in ay waxa bartaan ayana ku dadaan barashada caafimaadka, waxeyna sidoo kale la kulmeen caqabado u diideya in ay waxbartaan balse ay iyagu u dhabar adeegeen.
Radio Arlaadi:-Rahma Salaad Abdullahi