Baydhowy( Raathiyow Arlaathi)Kooxda kubadda cagta Barcelona ayaa xilli dambe is-raacisay laba gool oo daran-doorri ah, si ay uga takalusaan Real Betis oo ay marti u ahaayeen, taas oo kaga nixisay laba gool oo saddex daqiiqadood gudahood uu kaga dhaliyey Isco.
Saddexlay uu dhaliyey Ferran Torres ayaa saddexlay u saxeexay Barcelona iyadoo uu garoonka dhaxdiisa go’doon ku ahaa Robert Lewandowski oo uu waqtigu ku adag yahay, isla markaana kubaddu u muuqato inay dafirtay.
Daqiiqaddii 21aad ayaa Barcelona uu hoggaanka u dhiibay weeraryahanka reer Spain ee Ferran Torres, waxaana uu goolkaasi ahaa midka kaliya ee labada kooxood kala soocayay qaybta hore, laakiin markii lagu soo noqday qaybta labaad ee ay socotay saddex daqiiqadood oo kaliya ayaa mar kale uu Ferran Torres shabaqa soo taabsay oo uu hoggaanka usii dheereeyey kooxdiisa.
Isco ayaa waqtigiisu uu yimid oo laba gool oo saddex daqiiqadood u dhexeeyeen ku niyad-jabiyey Xavi Hernandez iyo xiddigihiisa daqiiqadihii 56aad iyo 59aad, waxaana mid ka mid ah goolashaas oo darbad xooggan oo lugta bidix uu ku toogtay uu garoonka ka abuuray dabbaal-deg waalli ahaa.
Ciyaarta oo u muuqanaysay inay barbarro ku dhamaanayso ayaa waxa beddel kusoo galay Joao Felix oo daqiiqaddii 90aad shabaqa soo taabtay, isla markaana ciyaarta ka dhigay 3-2, halka Ferran Torres uu kusoo laabtay dhalinta goolasha oo uu daqiiqaddii 90+3 goolkiisa u dambeeyey keenay.