Baydhowy (Raathiyow Arlaathi)Â Kooxda Barcelona ayaa dib u furtay wadahadaladii ay ku doonaysay saxiixa xiddiga kooxda Liverpool ee Luis Diaz sida ay sheegayaan wararku.
Barcelona ayaa xiiso u qabta saxiixa xiddiga Luis Diaz waxana ay doonaysaa in ay ku xoojiso weerarkooda xilli ciyaareedka cusub.
Sida laga soo xigtay, Pipe Sierra Barcelona ayaa wadahadalo la furtay Liverpool si ay u hesho saxiixa Luis Diaz.
Dhinaca kale Pipe Sierra ayaa sheegay in ay Liverpool diyaar u tahay in ay iibiso xiddiga laakiin waa hadii ay hesho qiimaha ay doonayso.
Liverpool ayaa ku qiimaysa xiddiga Luis Diaz lacag dhan 75 milyan oo euro si ay u fasaxdo xiddiga reer Colombia.