Baydhowy( Raathiyow Arlaathi)Taageerayaasha Arsenal ayaa caradooda ku soo bandhigay baraha bulshada iyagoo ku eedeeyay xiddiga Man City Rodri inuu isku dayay inuu soo gabagabeeyo xilli ciyaareedka kabtankooda Martin Odegaard intii uu socday kulankii Spain iyo Norway.
Kabtanka Arsenal ayaa si cajiib ah u garab maray Dani Carvajal isagoo abuurayay fursad gooldhalin ah laakiin waxaa beeniyay Rodri oo taakal xun ku qabtay.
Odegaard oo jug weyn ay gaartay ayaa garsooraha weydiistay in rigoore loo dhigo.
Taageere ayaa Twitter ku soo qoray: “Rodri wuxuu isku dayay inuu dhaawaco Odegaard. Waa burcad aan maskax laheyn.”
Mid labaad ayaa qoray: “Rodri wuxuu isku dayayaa inuu soo gabagabeeyo xilli ciyaareedka Odegaard isagoo ku sigtay inuu canqowga jabiyo.”
Mid seddexaad ayaa yiri: “Rodri wuxuu isku dayay inuu burburiyo riyada horyaalka ee Arsenal isagoo taakal xun ku qabtay Odegaard. Waa wax aan la aamini karin.”
Inkastoo Norway rigoore laga diiday hadana Spain ayaa kulankii isreebreebka Euro 2024 ku badisay 3-0 ka dib labo gool uu u dhaliyay Joselu iyo gool uu saxiixay Dani Olmo.