Baydhowy( Raathiyow Arlaathi)Kooxda Juventus ayaa garaacday Inter Milan kulan ka tirsanaa horyaalka Talyaaniga kana dhacay garoonka San Siro.
Inter Milan ayaa ciyaarta maamulaysay xilli ay Juventus ciyaaraysay weeraro rogaal celis ah oo ay ku doonayeen in ay Inter kaga dhaliyaan goolka.
Kooxda Garoonkeeda la joogay ee Inter ayaa samaysay fursado aan kala joogsi lahayn oo ay ku doonaysay gool xilli ay Juventus daafac ku jirtay.
Kooxda Juventus ayaa daqiiqadii 23-aad dhalisay goolka 1-aad ee ciyaarta waxana u dhaliyay xiddiga Filip Kostic kaas oo hogaanka u dhiibay kooxdiisa ciyaartana ka dhigay 1/0.
Wixii intaas ka dambeeyay Inter ayaa wax walba u samaysya sidii ay u dhalin lahayd goolka bar-baraha laakiin Juventus ayaa si fiican u difaacatay.
Waxa sidaas ku dhamaatay ciyaarta oo ay Juventus gaadhay guul qaali ah kaalinta 7-aadna ka soo gashay kala saraynta horyaalka Talyaaniga xilli ciyaareedkan.