Kooxda Bayern Munich ayaa warbixin ka soo saartay dhaawaca xiddigeeda Robert Lewandowski kaas oo ku dhaawacmay waajibaadka xulka qarankiisa Poland intii uu ku jiray kulamada is reeb-reebka koobka adduunka.
Robert Lewandowski ayaa xanuun ka dareemay jilibka kulankii uu xulkiisu guusha ka gaadhau Andorra isaga oo la badalay daqiiqadii 63-aad kadib markii uu sii wadan kari waayay ciyaarta.
Kooxda Bayern Munich ayaa haatan xaqiijisay in uu xiddiga Robert Lewandowski ka dhaawacmay jilibka waliba garoomada ka maqnaan doono muddo 4 todobaad ah una dhiganta muddo bil ah.
Arintaas ayaa la macno ah in uu Robert Lewandowski seegi doono kulanka adag ee ay kooxdiisu la ciyaari doonto PSG champions league wareega 8 dhamaadka tartanka xilli ciyaareedkan.