Baydhabo(Radio Arlaadi)-Xulka France ayaa guul soo laabasho leh ka gaadhay xulka Sweden xilli uu xulka Portugalguul wakhti dambe ah ka gaadhay 10 xiddig oo Xulka Croatia Ah.
France Vs Sweden:
Xulka Sweden ayaa xulka France ee iska xaadiriyay wareega Semi-final-ka tartanka UEFA Nations League kaga naxsaday gool wakhti hore ah.
Xulka Sweden ayayna wakhti dheer ku qaadan in uu hogaanka u qabto ciyaarta kadib markii ay daqiiqadii 4-aadba dhaliyeen goolka 1-aad iyaga oo uu u dhaliyay xiddiga Viktor Claesson.
Xulka France ayaan khal-khalin kadib goolka wakhtiga hore ah laakiin waxa ay u ciyaareen si dagan iyaga oo raadinayay goolka waliba ciyaarta si fiican u maamulayay.
Dhanka kale xulka Sweden ayaa daafac galay iyaga oo qaadayay weeraro rogaal celis ah oo ay ku doonayeen in ay ku sii dheeraystaan hogaanka.
Laakiin Daqiiqadii 16-aad ayuu xulka koobka adduunka ku guulaystay dhaliyay goolka 1-aad ahna goolka bar-baraha iyaga oo uu u dhaliyay xiddiga Olivier Giroud kaas oo ciyaarta ka dhigay 1/1.
Xulka France ayaa daqiiqadii 36-aad dhaliyay goolka 2-aad ee ciyaarta iyaga oo uu u dhaliyay xiddiga Benjamin Pavard kaas oo hogaanka u dhiibay xulkiisa.
Qaybtii dambe ayuu France si dar-dar leh ku bilowday waxana ay daqiiqadii 59-aad dhaliyeen goolka 3-aad iyaga oo uu u dhaliyay Olivier Giroud kaas oo ciyaarta ka dhigay 3/1.
Xulka Sweden Ayaa goolka 2-aad ee ciyaarta dhaliyay daqiiqadii 88-aad iyaga oo uu u dhaliyay xiddiga Robin Quaison kaas oo ciyaarta ka dhigay 3/2
Xiddiga Kingsley Coman ayaa daqiiqadii 90+3 dhaliyay goolka 4-aad ee xulka qarankiisa isaga oo xulkiisa ku hogaamiyay guul ay u qalmeen.
Croatai Vs Portugal:
Dhanka kale xulka qaranka Portugal guul wakhti dambe ah ka gaadhay xulka qaranka Croatia Kuwaas oo 40 daqiiqo 10 xiddig ku ciyaarayay.
Xulka Croatia ayaa daqiiqadii 29-aad ku hor maray goolka kadib markii uu xiddiga Mateo Kovacic dhaliyay goolka 1-aad ee xulka Croatia.
Xulka Portugal ayaa daqiiqadii 53-aad dhaliyay goolka dhaliyay kadib markii uu xiddiga Ruben Dias u dhaliyay goolka kana dhigay 1/1.
Saaxiibada Ronaldo ayaa daqiiqadii 61-aad dhaliyay goolka 1-aad iyaga oo uu u dhaliyay xiddiga Joao Felix kaas oo ciyarta ka dhigay 2/1.
Laaakiin xiddig chelsea ee Mateo Kovacic ayaa dhaliyay goolka bar-haraha isaga oo ciyaarta ka dhigay 2/2 uu xulka qarankiisu ugu soo laabtay ciyaarta.
Xilli ay ciyaartu u muuqatay mid ku dhamaanaysa bar-baro ayuu xulka Portugal dhaliyay goolka guusha iyaga oo uu u dhaliyay daafaca Ruben Dias kaas oo ciyaarta ka dhigay 3/2.