Baydhabo(Radio Arlaadi)- Magalada Baydhabo ayaa waxay Leedahay ilaa Afar Buunda waaweyn oo dhax mara Meelo muhiim ah Magaalada Gudaheeda ah kuwaas oo aan sodonkii sano lasoo dhaafay aysan helin Wax Dayactir ah ,Waxaa kale Magaalada Dhaxmara wadooyin dhaadheer oo burbur xoogan ka muuqda wallow ay jiraan wadooyinka qaar ay heleen dayactir aan xoogneyn jididka Halbowlaha ah ee Burbursan waxaa kamid ah Wadada Onodka Wadada Aada ADC Suuqa xoolaha ama Cunay Laamiga dheer ee dhaxmara bartamaha magaalada oo laba sana ka hor dayactir lagu sameyay oo isna uu muqda mid meelaha qaar burburay.
Dowlada Hoose ayaa sanadihii Dambe sameysey wadooyin badan oo gala Xaafadaha magaalada iskuna xira Wadooyinka waaweyn ayagoo garab ka helaya Dowlada Soomaaliya, Dowladaha Daneeya Soomaaliya iyo Hey,adaha Dib u dhiska dalka ka shaqeeya.
Warkan Waxaa inoo haya Cabdiqaadir Maxamed Nuur Warcade