Baydhowy( Raathiyow Arlaathi) Ku guulaysiga Premier League ayaa ah mid sidiisa u adag laakiin in aad Laba jeer ku guulaysato ayaa u baahan shaqo aan caadi ahayn.
In ka badan soddon sano oo kubbadda cagta Premier League ah, kaliya 10 ciyaartoy ayaa ku guuleystay inay kor u qaadaan koobka premier league iyaga oo waliba kula guulaystay Laba kooxood oo kala duwan.
Warbixintan waxa aan ku soo bandhigi doonaa xiddigo kooxo kala duwan kula guulaystay premier league.
Henning Berg
Aan ku bilowno raad-raaciyaha. Berg wuxuu ahaa ciyaaryahankii ugu horreeyay ee kula guuleystay Premier League laba kooxood oo kala duwan.
Waxa uu markii ugu horeysay koobka la qaaday Blackburn Rovers 1995, ka dibna wuxuu la qaaday Manchester United 1999 iyo 2000.
Nicolas Anelka
Mid ka mid ah ciyaartoyda ugu safarka wanaagsan kubbadda cagta casriga ah, Anelka ayaa 12 sano u dhexeeyay billadaha ku guuleystayaasha Premier League.
Xirfadda Anelka ayaa u qaaday PSG, Real Madrid, Liverpool, Man City iyo West Brom, laakiin wuxuu ahaa mid aad u wanaagsan intii uu ku guuleystay horyaalka.
Ashley Cole
Cole waxa uu markii hore Arsenal kula guulaystay premier league ka hor inta uuna aadin kooxda Chelsea markaas kula guulaystay premier League.
Gael Clichy:
Clichy ayaa Arsenal u yimid si uu u noqdo badalka Cole oo ku biiray Chelsea waxana uu kooxda kula guulaystay horyaalka xilli ciyaareedkii 2004.
Waxa uu ku daray laba koob oo kale oo Premier League ah oo uu la qaaday Man City 2012 iyo 2014.
Kolo Toure:
Xiddiga daafaca ka ciyaara ayaa Sidii Clichy kula guulaystay premier league kooxda Arsenal ka hor inta uuna ku biirin Man City isla markaas kula guuleysan premier League.
Robert Huth:
Xiddigan ayaa inta badan ahaa mid kayd ah markii uu Chelsea kula guulaystay horyaalka Premier League xilli ciyaareedkii 2005 iyo 2006.
Laakiin xiddiga ayaa taariikh sameeyay markii uu Leicester City kula guulaystay horyaalka premier League xilli ciyaareedkii 2015-16.
Carlos Tevez:
Ciyaartoy yar ayaa taariikhda u kala gudbay laakiin Tevez ayaan kaliya sidaas samayn laakiin waxa uu kula guulaystay horyaalka premier League labada kooxoodba
Kadib markii uu Laba horyaal oo xidhiidh ah kula guulaystay Man United sannadihii 2008 iyo 2009, Tevez wuxuu u wareegay Man City isaga oo kula guulaystay horyaalka premier league sanadkii 2012.
James Milner:
Milner ayaa markii hore horyaalka premier League kula guulaystay kooxda Man City xilli ciyaareedkii 2012 iyo 2014 ka hor inta uuna ku biirin Liverpool oo uu kula guulaystay horyaalka premier league xilli ciyaareedkii 2018.
Riyad Mahrez:
Xiddiga ayaa markii hore si taariikhi ah horyaalka ugu hogaamiyay kooxda Leicester City ka hor inta uuna ku biirin Man City isla markaas uuna kula guulaystan koobab kale oo premier League ah.
N’Golo Kante:
Ugu dambayn Kante Sidii Mahrez waxa uu Leicester city kula guulaystay horyaalka premier league ka hor inta uuma kula guulaystan Chelsea xilli ciyaareedkii sign.
