Baydhowy (Raathiyow Arlaathi) Saddexley koobab ayaa ah calaamad kubada Cagta ah waxana ay muujinaysa in ay Kooxdu ku Guulaysato 3 koob xilli ciyaareed gudihiis.
Kaliya siddeed kooxood oo Yurub ah ayaa ku guuleystay seddexda koob ee qaaradda (oo ay ku jiraan kaliya European Cup ama Champions League). Waa: Ajax, Barcelona, Bayern Munich, Celtic, Inter, Manchester United, Manchester City iyo PSV.
Asal ahaan, seddexleey kubbadda cagta waxay dhacdaa marka kooxi ay ku guuleysato seddex koob. Si kastaba ha ahaatee, si loogu tixgeliyo seddexleey dhab ah, waa inay ahaadaan koobabka ‘saxa ah’ iyo macnaha guud, waxaan tixraacnaa horyaalka gudaha, koobka gudaha iyo seddexda koob ee Yurub.
1. Celtic (1966/67)
Celtic waxa ay u tartamaysay shan koob xilli ciyaareedkii 1966–67 kooxdana waxa ay ku guulaysteen dhamaantood:Scottish League,Scottish Cup,Scottish League Cup,Glasgow Cup,iyo European Cup,waxana ay dhamaystirtay Quintuple kaliya ee abid Yurub ah (shan koob).
2. Ajax (1971-72)
Xilli ciyaareedkii 1971-72, AFC Ajax waxa ay ku guulaysatay saddex koob qaarad, iyada oo ku guulaysatay Eredivisie (Dutch League), KNVB Cup, iyo European Cup (hadda Champions League). Waxa ay sidoo kale isla sanadkaas ku guuleysteen koobka Intercontinental Cup, iyagoo noqday mid ka mid ah afar kooxood oo guushan gaaray.
3. PSV Eindhoven (1987-88)
Xilli ciyaareedkii 1987-88, PSV Eindhoven waxa ay ku guulaysatay saddexley la xasuusan karo iyaga oo ku guuleystay Eredivisie (Dutch League), Koobka KNVB (Koobka Dutchka), iyo Koobka Yurub. Bandhigan, oo uu hogaaminayo tababare Guus Hiddink iyo ciyaartoyda sida Ronald Koeman, Hans van Breukelen, iyo Wim Kieft, ayaa si weyn uga qayb qaatay guusha.
4. Manchester United (1998-99)
Intii lagu jiray xilli ciyaareedkii 1998-99, kooxdii Sir Alex Ferguson waxay u soo baxday ku guuleysiga Premier League, FA Cup iyo Champions League, waxayna noqotay kooxdii ugu horreysay ee Ingiriis ah ee sidaas samaysay.
5. Barcelona (2008-09, 2014-15)
Barcelona ayaa ku guuleysatay seddexleydii saxda ahayd ee 2008-09 iyo 2014-15, iyadoo ay maamulayeen Pep Guardiola iyo Luis Enrique, siday u kala horreeyaan.
Barcelona ayaa gaartay seddexleeydii ugu horeysay ( ku guuleysiga La Liga, Copa del Rey, iyo UEFA Champions League) xilli ciyaareedkii 2008-09 markaasoo uu macalin u ahaa Pep Guardiola, iyadoo noqotay kooxdii ugu horeysay ee Isbaanish ah ee sameyso.
6. Inter Milan (2009-10)
Xilli ciyaareedkii 2009-10, Nerazzurri, oo uu hogaaminayay Jose Mourinho, ayaa ku guuleystay saddexley koobab ah.
Tani waxay ka koobnayd horyaalka Serie A, Coppa Italia, iyo Champions League.
7 Bayern München (2012-13, 2019-20)
Bayern Munich waxay ku guuleysatay seddexley (Bundesliga, DFB-Pokal, iyo Champions League) labadaba xilli ciyaareedkii 2012-13 iyo 2019-20. 2013, waxaa hogaaminayay Jupp Heynckes, 2020, waxaa hogaaminayay Hansi Flick, isagoo noqday naadigii labaad (ka dib Barcelona) ee ku guuleysta seddexleey laba jeer.
8. Manchester City (2022-23)
Xilli ciyaareedkii 2022-23, Manchester City waxay noqotay kooxdii sideedaad iyo kooxdii labaad ee Ingiriis ah ka dib Manchester United ee ku guulaysata saddexleydii, isla xilli ciyaareedkanna ku qaaday Premier League, FA Cup, iyo Champions League.
