Baydhowy (Raathiyow Arlaathi) Waxaa soo idlaaday heerkii horyaalka ee tartanka champions league nidaamkiisa cusub, kadib 8 wareeg oo xamaasad iyo madadaalo ah oo lagu arkay tartankii ugu weynaa ee heerka naadiyada.
Xidhiidhka kubbada cagta Yurub ee UEFA ayaa wax ka badashay hannaankii Champions Leaque-ga iyada oo tirada kooxaha ka qayb galaysa ay ka dhigeen 36 kooxood halkii ay markii hore ka ahaayeen 32 kooxood iyada oo sideeda kooxood ee ugu sareeya ay si toos ah ugu soo baxeen wareega 16 ka kooxood.
Kooxaha ku dhamaysta boosaska 9-aad ilaa 24-aad waxay ka qaybgalaan isreeb-reeb laba kulan oo minin iyo Marti ah kaas oo ay 8-kooxood u soo baxayaan wareegga 16-ka.
Tani waxay naga dhigeysaa inaan sugno kulamo xiiso leh kulamada is reeb-reebka iyada oo kooxo waaweyn ka qayb gali doonaan is reeb-reebka.
Waxa isk Hor Iman doona kooxaha waaweyn sida Real Madrid, Bayern Munich, iyo Manchester City, marka lagu daro Juventus iyo Paris Saint-Germain.
Lugta hore ee wareega 16-ka tartanka Champions League ayaa la ciyaari doonaa 11-ka iyo 12-ka bisha February, waxaana kulamada soo laabashada la ciyaari doonaa todobaad kadib 18-ka iyo 19-ka isla bishaas.
Kooxaha u soo baxay wareega is reeb-reebka
Atalanta
Borussia Dortmund
Bayern Munich
real madrid
Milan
Eindhoven
Paris Saint-Germain
Benfica
Monaco
Breat FC.
Feyenoord
Juventus
Celtic
Manchester City
Sporting Lisbon
Club Brugge.
