Baydhowy (Raathiyow Arlaathi) William Saliba ayaa lagu wadaa in uu garoomada ka maqnaado labada todobaad ee soo socda waxana uu wajahayaa tartan ka dhan ah wakhtiga si uu taam ugu noqdo kulanka Arsenal ay la ciyaari doonto Man City.
Daafaca dhexe ee Gunners ayaa seegay kulankii Sabtidii ay barbaraha 2-2 la galeen Aston Villa, taasoo ka dhigeysa Mikel Arteta inuu ‘aad uga walwalo’ xiddiga reer France.
Hadda waxaa soo baxday in Saliba – oo uu soo gaaray xanuun muruqa ah – uu garoomada ka maqnaan doono labada toddobaad ee soo aaddan, sida laga soo xigtay L’Equipe.
Waxay la macno tahay inuu shaki ku jiro kulanka weyn ee Arsenal ay kula ciyaari doonto kooxda heysata horyaalka Premier League ee Pep Guardiola garoonka Emirates, kaasoo la qorsheeyay inuu dhaco 13 maalmood gudahood.
Saliba ayaa sidoo kale Seegi doono 2-da kulan ee soo socda ee champions League Dinamo Zagreb iyo Girona Iyo kuanka Wolves ee premier League sabtida.
Warkan ayaa dhirbaaxo ku ah kooxda Arsenal Iyo tartanka ay ugu jiraan ku guulaysiga premier League marka la eego in uu saliba muhiim u yahay daafaca Arsenal.
