Baydhowy (Raathiyow Arlaathi) Nuno Mendes ayaa xiiseynaya inuu ku biiro Manchester United ka dib markii uu diiday heshiis cusub oo ay PSG u soo bandhigtay xiddiga sida ay sheegayaan wararka ka imaanaya France.
United ayaa Mendes u aqoonsatay mid ka mid ah dookhyada ay door bidayso si ay u xaliyaan arinta dhanka bidix ee daafaca Ruben Amorim.
Amorim ayaa horay ula soo shaqeeyay Mendes markii uu iddigu joogay Portugal iyaga oo ka soo wada shaqeeyay kooxda Sporting CP.
Mendes ayaa ku dhawaad hal sano Amorim kula qaatay Sporting ka hor inta uuna PSG ku biirin sanadkii 2020.
Sida laga soo xiganayo FootMercato, PSG ayaa doonaysa in ay Mendes ka saxiixdo heshiis cusub maadama uu heshiiskiisa haatan dhacayo sanadka dambe.
Si kasta ha ahaatee Mendes ayaa diiday heshiiska PSG waxana uu doonayaa in uu Man United kula biro Amorim.
