Baydhowy( Raathiyow Arlaathi) Kooxda Man United ayaa la ciyaari doonta kooxda Burnley kulan ka tirsan horyaalka premier League kana dhici doona garoonka Turf Moor.
Man United ayaa doonaysa in ay ku soo laabato wadada guulaha xilli ay Burnley sidoo kale ku dhibaatoonayso in ay guulo ka gaadho kulanka.
Kulanka: Burnley Vs Man United
Tartanka: Premier League
Wakhtiga: 10:00
Garoonka: Turf Moor,
XAQIIQOOYINKA KULANKA:
Burnley ayaa badisay labo ka mid ah 16-kii kulan ee ay ciyaartay horyaalka Premier League,waxana ay barbardhac gashay shan kulan,halka laga badiyay 9 kulan.
Manchester United ayaan wax guuldaro ah la kulmin todobadii kulan ee ugu dambeeyay oo ay booqatay garoonka Turf Moor, shan guul iyo laba barbaro.
Kaliya labo ka mid ah 11-kii gool ee ay Burnley ka dhalisay Premier League United ayaa ku yimid gurigooda – goolkii Robbie Blake ku guuleystay 2009 iyo gool uu dhaliyay Jay Rodriguez 2022.
Manchester United ayaa ku bilaabatay xilli ciyaareedkeedii ugu xumaa muddo 37 sano ah, iyadoo laga badiyay afar ka mid ah lixdii kulan ee furitaanka tartamada oo dhan markii ugu horeysay tan iyo 1986kii.
