Baydhowy( Raathiyow Arlaathi) Man United ayaa marti galinaysa kooxda Mayalka Adag ee Brighton kulan ka tirsan horyaalka premier League.
Man United oo ku jirta xaalad qas ah garoonka dibadiisa sidoo kale ku jirta natiijooyin aan fiicnayn garoonka gudihiisa ayaa doonaysa in ay soo laabato.
Dhinaca kale Brighton ayaa ku jirta qaab ciyaareed aad u fiican waxana ay doonayaan in ay bur-buriyaan xaalkana ku xumeeyaan kooxda Man United.
Kulanka: Man United Vs Brighton
Tartanka: Premier League
Wakhtiga: 5:00
Garoonka: Old Trafford.
XAQIIQOOYINKA KULANKA:
Manchester United ayaa laga badiyay seddexdii kulan ee ugu danbeysay ee horyaalka ee ay la ciyaareen Brighton – oo ay ku jiraan kulamadii xilli ciyaareedkii hore, kaasoo ahaa kulankii ugu horeeyay ee Erik ten Hag.
Guushaas ay gaareen Seagulls waxay ahayd tii ugu horreysay ee ay Old Trafford ku gaaraan booqashadooda 14-aad.
Red Devils ayaa hal gool dhalisay afartii kulan ee ugu dambeeyay oo ay la ciyaartay Brighton tartamada oo dhan, waxaana goolkaas iska dhaliyay Alexis Mac Allister kulankaan sanadkii hore.
Manchester United ayaa 31-kulan ku soo jirtey in ka badan hal sano- guuldaro la,aan ah garoonka Old Trafford,waxana ay badiyeen 27 kulan,halka ay 4-kulan bar baro galeen dhamaan tartamada.
