Baydhowy( Raathiyow Arlaathi)Manchester United ayaa shalay soo saartay liiska 13 ciyaartoy oo ay doonayso inay iibiso xagaagan, kuwaas oo uu tababare Erik ten Hag u arko in aanay waxba kusoo kordhinayn safkiisa balse ay ku yihiin culays oo ay kursiga kaydka ka buuxinayaan.
13ka ciyaartoy oo aanu magacyadooda idiin soo gudbinay shalay, ayaa waxa ku jira laacibiin kasoo laabtay amaah ay ku maqnaayeen oo aan wax kalsooni ah ka haysanin Ten Hag iyo kuwo uu kaydku daashaday sannadkii uu tababaraha reer Netherlands joogay Man United.
Lacagta ciyaartoydan ay ka hesho ayay Manchester United doonaysaa in ay ku kharash garayso saxeexyo cusub, sida goolhaye, difaac, khad dhexe iyo weeraryahan, waana afarta boos ee saluugu ka jiray xilli ciyaareedkii hore.
Si kastaba, qiimeyaasha ay Manchester United u go’aamisay inay ku iibiso xiddigaha ay suuqa soo dhigtay ayaa la shaaciyey, waana sidan:
13. Donny van de Beek – £20 milyan
12. Fred – £20 milyan
11. Anthony Elanga – £20 milyan
10. Hannibal Mejbri – £13 milyan
9. Alex Telles – £10 milyan
8. Brandon Williams – £5 milyan
7. Eric Bailly – £2 milyan
6. Zidane Iqbal – £850,000 – Waxa la wareegtay Utrecht
5. Harry Maguire – £40 milyan
4. Scott McTominay – £40 milyan
3. Dean Henderson – £20 milyan
2. Jadon Sancho – £45 milyan
1. Anthony Martial – £25 milyan
