Aabaha dhalay xiddiga khadka dhexe uga ciyaara kooxda Barcelona ee Frenkie de Jong ayaa ka dhawaajiyay in ku biirista Manchester United aysan dan u ahayn xiddiga reer Holland.
Marka la eego xaalada dhaqaale xum ee kooxda Barcelona iyo waliba in laga reebay champions League kooxda Barcelona ayaa la aaminsanyahay in ay u furantahay in ay iska iibiso De Jong Suuqa January.
Si kasta ha ahaatee xavi ayaa beeniyay wararkaas isaga oo sheegay in uuna xiddigii hore ee Ajax ka tagi doonin kooxda suuqa January aabaha dhalay xiddiga ayaa haatan sheegay in uuna xiddigu xiiso u qabin in uu ku biiro Man United.
Isaga oo la hadlaya Algemeen Dagblad aabaha xiddiga 24 jirka ah ayaa yidi”mar walba waxa England ka jirta jawi xun, mar walba waxa aan eegaynaa dhinaca kubada cagta laakiin arintaas muhiim ma ahan hada”.
“Waan ogahay in Barcelona u baahantahay lacag waliba hadii uu Frenkie dalab fiican helo ay caawinayso kooxda laakiin ma doonayo in uu ku biiro Man United”