Kooxda Arsenal ayaa u muuqata kuwo ku sii dhawaanaya saxiixa xiddiga weerarka uga ciyaara kooxda Man City ee Gabriel Jesus.
Kadib markii ay kooxuhu wax walba ka heshiiyeen saxiixa xiddiga Gunners ayaa haatan isku diyaarinaysa in ay tijaabada caafimaadka mariso xiddiga isla markaas ku dhawaaqdo saxiixiisa.
Sida laga soo xigtay saxafiga Fabrizio Romano, Jesus ayaa saaka ku sugan maagalada London si uu u dhamaystiro ku biiristiisa kooxda Arsenal.
Isla Fabrizio Romano ayaa sheegaya in uu Gabriel Jesus maanta oo Salaasa ah tijaabada caafimaadka u mari doona kooxda Arsenal sii uu u dhamaystiro ku biiristiisa Arsenal.
Fabrizio Romano ayaa sii raaciyay hadalkiisa in ay Arsenal diyaarinayso ku dhawaaqista saxiixa xiddiga marka uu tijaabada caafimaadka dhamaysto saacadaha soo socda.
Kooxda.com ayaa xusaysa in uu Gabriel Jesus ogolaaday heshiis 5 sano ah oo uu kula joogi doono kooxda Arsenal ilaa xagaaga 2027.