Baydhowy (Raathiyow Arlaathi) Daafaca kooxda Arsenal Riccardo Calafiori ayaa shaki laga galinayaa kulanka ay kooxdiisu maanta la ciyaarayso Aston Villa kulan ka tirsan premier League.
Calafiori ayaa dhaawac ku seegay seddexdii kulan ee ugu danbeysay ee Arsenal, Arteta ayaana xaqiijiyay Jimcihii inay kooxdu hubineysay dhowr ciyaaryahan.
Haddii Calafiori uu maqan yahay, waxay la macno noqon kartaa in Myles Lewis-Skelly uu sii haysto booskiisa kooxda oo uu mar kale ku soo bilowdo daafaca bidix.
18-sano jirkaan ayaa wacdaro dhigay dhawaan, waxaana uu ka mid ahaa xiddigihii sida fiican u ciyaaray kulankii Tottenham.
Raheem Sterling ayaa ku soo bilowday kulankii Spurs, laakiin waxaa laga yaabaa inuu booska u baneeyo Gabriel Martinelli.
Gunners-ka ayaa ku dhibaatoonaysa dookhyada dhinaca weerarka iyada oo kaliya 4 xiddig taam u yihiin kooxda.
Shaxda Suurtagalka ah ee kulanka:
Raya; Timber, Saliba, Gabriel, Lewis-Skelly; Odegaard, Partey, Rice; Martinelli, Havertz, Trossard
