Baydhowy( Raathiyow Arlaathi) ciyaaryahankii hore ee Real Madrid, Toni Kroos kaasoo ciyaaraha ka fariistay bishii June ee lasoo dhaafay, ayaa xaqiijiyay inuusan meesha ka saarayn inuu dib ugu soo laabto kooxda Real Madrid.
Kroos waxa uu go’aansaday in uu ka fadhiisto ciyaaraha kadib tartankii Euro 2024 waxana uu soo afjaray xirfad aad u daba dheer.
Kroos ayaa ka hadlay hadal uu daabacay wargeyska “Mundo Deportivo” ee dalka Spain wuxuuna yiri: “Macnaha Real Madrid mar walba waa isku mid aniga ahaan”.
“Waxa aan Real Madrid ku soo qaatay wakhti cajiib ah oo dheer kana buuxaan guulo mar walbana waxa aan ku dhawaan doonaa Real Madrid waxana aan ka ag dhawaan doonaa kooxda mar walba”.
Wuxuu ku daray: “Haatan waxaan gabi ahaanba ku mashquulsanahay mashaariicdayda, laakiin marka la eego u dhawaanshaha aan ku dhawahay kooxda marnaba meesha kama saari doono inaan ku laabto kooxda mustaqbalka”.