Baydhowy( Raathiyow Arlaathi) Kabtanka xulka qaranka England Harry Kane ayaa shaaca ka qaaday sababta ugu weyn ee uu uga tagay Tottenham kuna biiray kooxda Bayern Munich xagaagan.
Kane ayaa soo afjaray 19 sano oo xiriir ah oo uu joogay Spurs, laga soo bilaabo heerka akadeemiyada ilaa kooxda koowaad, markii uu ka tagay kooxda si uu ugu biiro Bayern heshiis 100 milyan ginni xagaagii.
30-jirkan ayaa 48 gool ka dhaliyay Premier League waxana uu jabiyay rikoodhkii Alan Shearer, laakiin hadda waxa uu bog cusub ka bilaabay Munich.
Kane ayaa dhaliyay 3 gool intii uu ku biiray kooxda Bayern Munich waxana uu si fiican ula qabsaday kooxda.
Sababta ugu weyn ee la filayay in hh kane uga tagay Tottenham uguna biiray Bayern Munich ayaa ahayd in uu xiddigu ku guuleysto koobab.
Laakiin hadda, Kane ayaa ka hadlay sababta ugu weyn ee ka dambeysa ka tagistiisa Tottenham.
Kane ayaa sharaxay: “Waxaa jira hadal heyn badan oo ku saabsan koobab, dabcan, waxaan doonayaa inaan koobab qaado, laakiin taasi ma ahayn sababta kaliya ee aan u aaday Bayern Munich”.
“Waxaan dareemay inaan u baahanahay inaan ku ciyaaro heerka ugu sarreeya haddii aan ugu dambeyntii doonayo inaan horumar sameeyo”
“Hadii aan doonayo inaan ag joogo weeraryahanada ugu fiican iyo ciyaartoyda ugu fiican aduunka, markaas waxaan u baahanahay inaan ka ciyaaro Champions League oo aan u dagaalamo koobab”
