Baydhowy( Raathiyow Arlaathi) Ka Tagistii xiddiga Hakim Ziyech ee chelsea ayaa fashilmay kadib markii uu xiddigu laba jeer ku dhacay tijaabada ccaafimaadka.
Xiddiga Hakim Ziyech ayaa ku dhawaa kooxda Al-Nassr kuwaas oo chelsea xitaa kala heshiiyay qiimaha xiddiga si ay u helaan saxiixiisa.
Kadib markii uu ku fashilmay in uu boos ka helo tababarayaasha Thomas Tuchel, Frank Lampard & Graham Potter, Ziyech ayaa si weyn loo filayay in uu isaga tago kooxda Chelsea.
30 jirka ayaa diyaar u ahaa in uu u dhaqaaqo horyaalka sucuudiga kadib markii uu heshiiska shaqsiga ah la gaadhay kooxda Al-Nassr.
Si kasta ha ahaatee sida laga soo xigtay CBS, Ku biirista Ziyech ee Al-Nassr ayaa u muuqda mid soo dhamaanaya sabab la xidhiidha dhaawac uu qabo xiddigu.
Xiddiga reer Morocco ayaa laba jeer ku dhacay tijaabada caafimaadka sabab la xidhiidha dhaawac jilibka iyo Sinta ah.
