Baydhowy( Raathiyow Arlaathi) Barcelona ayaa xog ka heshay xidhiidhka kubadda cagta Yurub ee UEFA oo u sheegay haddiiba ay ka ganaaxayaan UEFA Champions League xilli ciyaareedka soo socda ee 2023-24.
Arrintaas ayaa sababtay in xidhiidhka kubadda cagta Yurub laba nin oo baadhis ku sameeya u diro kooxda kusoo guuleysatay horyaalka La Liga si ay u ogaadaan haddii wax tartamadooda Yurub la xidhiidha ay musuq ku sameeyeen.
Haatan il wareedka Agencia EFE ayaa sheegaya in Barcelona neefi kasoo fuqday isla markaana heshay xogta ah inay UEFA u ogolaadeen ka qayb qaadashada Champions League sanadka dambe.
Mirjam Koller iyo Jean-Samuel Leuba oo ah labada nin ee baadhista sameeyay qaybna ka ah gudida anshaxa iyo anshax-marinta ee UEFA ayaa qaba inay Barca mudan tahay ka qayb qaadashada tartanka ugu xiisaha badan Yurub.
