Baydhowy( Raathiyow Arlaathi) Barcelona ayaa si dirqi saddexda dhibcood kaga soo heshay Real Betis oo ay booqatay, kaddib markii ay kaga soo adkaatay 1-2, ciyaar ka tirsaneyd horyaalka La Liga ee dalka Spain.
Qeybta hore ee ciyaarta ayeey labada kooxood ku kala nasteen Real Betis iyo Barcelona barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 76-aad Barcelona oo marti ahayd ayaa hoggaanka u qabatay ciyaarta kaddib markii uu 0-1 ka dhigay laacibkooda da’ada yar ee Ansu Fati.
79 daqiiqo marka ay dheesha mareysay Real Betis ayaa dhalisay goolka barbardhaca kaddib markii uu 1-1 ka dhigay Marc Bartra, waxaana ka caawiyay Nabil Fekir.
Jordi Alba ayaa daqiiqadii 90 + 4 –aad wuxuu hoggaanka u dhiibay kooxda Barcelona wuxuuna ciyaarta ka dhigay 1-2 ay Barca ku hoggaamineysay.
Ugu dambeyntii ciyaarta ayaa ku dhammaatay 1-2 ay kaga soo adkaatay Barcelona, kooxda Real Betis oo ay ku booqatay garoonka Benito Villamarín, Barca ayaa kaddib guushan ay gaartay waxay wali ku jirtaa booska labaad waxayna leedahay 69 dhibcood.