Halyeeyga kooxda Arsenal ee Martin Keown ayaa ka xanaajiyay taageerayaasha kooxdiisa kadib markii uu sheegay in ay Tottenham haysato fursad ka fiican Arsenal u soo bixista kaalinta 4-aad ee premier League xilli ciyaareedkan.
Arsenala ayaa guul ka gaadhay kooxda Aston Villa iyaga oo uga mahad-celinaya Bukayo Saka oo dhaliyay goolka ay ku badisay kooxda Arsenal iyaga oo sii xoojiyay fursadohooda ku guulaysiga kaalinta 4-aad ee premier League.
“Wali waxa jira kulamo badan oo hadhsan, walina Tottenham ayaa ugu cad-cad ku dhamaysiga kaalinta 4-aad”ayuu Keown yidhi ciyaarta Arsenal kadib.
“Arsenal ayaa hogaaminaysa u soo bixista kaalinta 4-aad laakiin marka aad eegto kulamada u hadhay ee ay waliba martida u noqon doonto Chelsea iyo Tottenham waa kulamo adag”.
Arsenal ayuu baaqi u yahay hal kulan kadib markii ay ciyaartay laba ka mid ah kulamadii baaqi u ahaa.