Baydhowy( Raathiyow Arlaathi)21 Febraayo Maalingty Aalamigy eh ee Afki Aayow waliba aqoonsingta in luuqathy bathang yo ko hormaring korang ku mid naghathowgy, Yoolky Hormarky waary ee ‘diiridy ly saarow UNESCO waliba rumeysingta ing walbarashythy, yeethoo lyky saleeyow luuqydy koowaad ama Afki Aayow, ye ety ing luku bilaaby synythy hory maadaama daryeelky owlaadnymythy hory walbarashythyny ety aas-aasky barathowgy.
Maalingty Aalamigy eh ee Afki Aayow waliba lingky dhawaaqey shir wiinagii guud ee ururky Qaramythy Midooby e walbarashythy, seynisky I dhaqhyngky (UNESCO) bilii Nofeembar 1999. Golo guud ee Qaramythy Midooby waliba ha dhowaayey ky dhawaaqowky Maalingtaas ee Haliyowky 2002.
Marky haayty 16-ty Maajo 2007 Golo Guud ee Qaramythy Midooby qaraarshey A / RES / 61/266 waliba ingky weerey dowlatho hubno ku eh “iny dhiirygiliyang ilaaliyowky dhomaang luuqatho yo etheegsythaayang dadyowgy Aduungky.
Isla qaraarky, Golo guud waliba ky dhawaaqey 2008 iny usy eyi synydky Aalamigy eh ee luuqatho, si kor lingky qaathy midnymythy shal gediisynaagty I fahamky Aalamigy eh, yeethoo ling marrow luuqathy bathang I dhaqamy shal gediising waany ling magha’aaby Hay’ady Qaramythy Midooby ing qaabilsing Walbarashythy, Seynisky I dhaqhyngky si ye ingky adeegty Hay’ady hogaamiyaasy Synydky.
Geeky waliba jare Wa’yigiling ha bathathaayty o ky saabsing ing afafky yo door muhiim eh ku qaathythy korang hormarky, hubiyowky shal gediisynaagty dhaqhyngky I watha hadalky dhaqhmythy shal gediising, e dhisowky Bulshooyingky aqoonty lyng dhong.
Warkung Waliba nig haaye Abdyqaadir Mathey Nur War’ady