Bayern Munich ayaa lagu soo waramayaa inay diyaar u tahay inay iibiso xiddigeeda Robert Lewandowski si ay badalkiisa ugu dhaqaaqdo xiddiga Borussia Dortmund ee Erling Braut Haaland xagaaga soo aadan.
Lewandowski oo 18 bilood uga dhimanyahay heshiiskiisa Bayern Munich ayaa ku jira qaab ciyaareed cajiib ah isaga oo dhaliyay 29 gool 24 kulan oo uu ciyaaray tartamada oo dhan.
Inkasta oo ay jiraan warar sheegaya in uu Lewandowski u furanyahay in uu ku biiro premier League, wargayska Bild ayaa sheegaya in uu xiddiga 33 jirka ah rajaynayo heshiis cusub oo uu kula sii joogo Bayern Munich.
Si kasta ha ahaatee Bayern Munich ayaa ka meer-meeraysa in ay Lewandowski miiska u saarto heshiis cusub maadama uu xiddigu haatan sii weynaanayo.
Bayern Munich ayaa sidaas darteed diyaar u ah in ay Lewandowski ku iibiso lacag dhan 50 milyan oo euro si ay badalkiisa ugu dhaqaaqdo xiddiga Borussia Dortmund ee Erling Haaland.